Eth Conselh Generau aufrís era Rota Romanica d’Aran en format virtuau
Se tracte d'un viatge virtuau a partir de fotografies en 360º
Vielha e MijaranEth Conselh Generau d’Aran, a trauès de Musèus Val d’Aran e era empresa In Situ Patrimoni, a desvolopat un nau projècte culturau gràcies ath quau s’aufrís era Rota Romanica d’Aran en linha. A compdar d’aguest dijaus, totes es persones interessades poiràn hèr un torn virtuau per totes es glèises que formen part d’aguesta rota.
Se tracte d'un prumèr viatge virtuau, a partir de fotografies en 360º, qu’aproparàn as usatgèrs era arquitectura, escultura e pintura des glèises araneses simplement hènt a córrer er arrat. A partir d'aguest prumèr viatge, e en fases següentes deth projècte, se desvoloparàn tanben contenguts que permeteràn crear naui punts d’enguarda e que haràn mès accessible eth coneishement, ath temps qu’aportaràn valor ath patrimòni religiós. Pòs visitar era Rota Romanica virtuau d’Aran hènt click aciu.
