Amassada en Madrid entà parlar sus eth desvolopament deth torisme rurau
Eth sindic s'amassèc damb era ministra Teresa Ribera e eth secretari generau dera OMT
Vielha e MijaranEth sindic d’Aran, Francés Boya, s’amassèc ager en Madrid damb era vicepresidenta quatau deth Govèrn e ministra entara Transicion Ecologica e eth Rèpte Demografic, Teresa Ribera, e eth secretari generau dera Organizacion Mondiau deth Torisme (OMT), Zurab Pololikashvili, entà parlar sus eth desvolopament deth torisme rurau e de quina manèra pòt ajudar a frenar era despoblacion e generar dinamiques enes zònes de montanha.
En aguesta amassada, que se centrèc ena dinamizacion deth torisme rurau coma activitat clau ena economia des territòris de montanha, eth sindic d’Aran presentèc ua propòsta pionèra entà impulsar era innovacion toristica ena Val d’Aran que permeterie ath territòri incorporar ara OMT coma partner deth projècte. “Era Val d’Aran vò èster un referent en ambit dera innovacion des zònes de montanha e especiaument en sector deth torisme, a on dejà a ua acreditada experiéncia”, afirmaue Boya.
